תנ"ך מבואר

1 וְהָיָה, אִם־שָׁמוֹעַ תִּשְׁמַע בְּקוֹל יהוה אֱלֹהֶיךָ, לִשְׁמֹר לַעֲשׂוֹת אֶת־כָּל־מִצְוֹתָיו, אֲשֶׁר אָנֹכִי מְצַוְּךָ הַיּוֹם; וּנְתָנְךָ יהוה אֱלֹהֶיךָ עֶלְיוֹן, עַל כָּל־גּוֹיֵי הָאָרֶץ׃ 2 וּבָאוּ עָלֶיךָ כָּל־הַבְּרָכוֹת הָאֵלֶּה וְהִשִּׂיגֻךָ; כִּי תִשְׁמַע, בְּקוֹל יהוה אֱלֹהֶיךָ׃ 3 בָּרוּךְ אַתָּה בָּעִיר; וּבָרוּךְ אַתָּה בַּשָּׂדֶה׃ 4 בָּרוּךְ פְּרִי־בִטְנְךָ וּפְרִי אַדְמָתְךָ וּפְרִי בְהֶמְתֶּךָ; שְׁגַר אֲלָפֶיךָ וְעַשְׁתְּרוֹת צֹאנֶךָ׃ 5 בָּרוּךְ טַנְאֲךָ וּמִשְׁאַרְתֶּךָ׃ 6 בָּרוּךְ אַתָּה בְּבֹאֶךָ; וּבָרוּךְ אַתָּה בְּצֵאתֶךָ׃ 7 יִתֵּן יהוה אֶת־אֹיְבֶיךָ הַקָּמִים עָלֶיךָ, נִגָּפִים לְפָנֶיךָ; בְּדֶרֶךְ אֶחָד יֵצְאוּ אֵלֶיךָ, וּבְשִׁבְעָה דְרָכִים יָנוּסוּ לְפָנֶיךָ׃ 8 יְצַו יהוה אִתְּךָ אֶת־הַבְּרָכָה, בַּאֲסָמֶיךָ וּבְכֹל מִשְׁלַח יָדֶךָ; וּבֵרַכְךָ, בָּאָרֶץ אֲשֶׁר־יהוה אֱלֹהֶיךָ נֹתֵן לָךְ׃ 9 יְקִימְךָ יהוה לוֹ לְעַם קָדוֹשׁ, כַּאֲשֶׁר נִשְׁבַּע־לָךְ; כִּי תִשְׁמֹר, אֶת־מִצְוֹת יהוה אֱלֹהֶיךָ, וְהָלַכְתָּ בִּדְרָכָיו׃ 10 וְרָאוּ כָּל־עַמֵּי הָאָרֶץ, כִּי שֵׁם יהוה נִקְרָא עָלֶיךָ; וְיָרְאוּ מִמֶּךָּ׃ 11 וְהוֹתִרְךָ יהוה לְטוֹבָה, בִּפְרִי בִטְנְךָ וּבִפְרִי בְהַמְתְּךָ וּבִפְרִי אַדְמָתֶךָ; עַל הָאֲדָמָה, אֲשֶׁר נִשְׁבַּע יהוה לַאֲבֹתֶיךָ לָתֶת לָךְ׃ 12 יִפְתַּח יהוה לְךָ אֶת־אוֹצָרוֹ הַטּוֹב אֶת־הַשָּׁמַיִם, לָתֵת מְטַר־אַרְצְךָ בְּעִתּוֹ, וּלְבָרֵךְ אֵת כָּל־מַעֲשֵׂה יָדֶךָ; וְהִלְוִיתָ גּוֹיִם רַבִּים, וְאַתָּה לֹא תִלְוֶה׃ 13 וּנְתָנְךָ יהוה לְרֹאשׁ וְלֹא לְזָנָב, וְהָיִיתָ רַק לְמַעְלָה, וְלֹא תִהְיֶה לְמָטָּה; כִּי־תִשְׁמַע אֶל־מִצְוֹת יהוה אֱלֹהֶיךָ, אֲשֶׁר אָנֹכִי מְצַוְּךָ הַיּוֹם לִשְׁמֹר וְלַעֲשׂוֹת׃ 14 וְלֹא תָסוּר, מִכָּל־הַדְּבָרִים אֲשֶׁר אָנֹכִי מְצַוֶּה אֶתְכֶם הַיּוֹם יָמִין וּשְׂמֹאול; לָלֶכֶת, אַחֲרֵי אֱלֹהִים אֲחֵרִים לְעָבְדָם׃ {ס}

15 וְהָיָה, אִם־לֹא תִשְׁמַע בְּקוֹל יהוה אֱלֹהֶיךָ, לִשְׁמֹר לַעֲשׂוֹת אֶת־כָּל־מִצְוֹתָיו וְחֻקֹּתָיו, אֲשֶׁר אָנֹכִי מְצַוְּךָ הַיּוֹם; וּבָאוּ עָלֶיךָ כָּל־הַקְּלָלוֹת הָאֵלֶּה וְהִשִּׂיגוּךָ׃ 16 אָרוּר אַתָּה בָּעִיר; וְאָרוּר אַתָּה בַּשָּׂדֶה׃ 17 אָרוּר טַנְאֲךָ וּמִשְׁאַרְתֶּךָ׃ 18 אָרוּר פְּרִי־בִטְנְךָ וּפְרִי אַדְמָתֶךָ; שְׁגַר אֲלָפֶיךָ וְעַשְׁתְּרוֹת צֹאנֶךָ׃ 19 אָרוּר אַתָּה בְּבֹאֶךָ; וְאָרוּר אַתָּה בְּצֵאתֶךָ׃ 20 יְשַׁלַּח יהוה בְּךָ אֶת־הַמְּאֵרָה אֶת־הַמְּהוּמָה וְאֶת־הַמִּגְעֶרֶת, בְּכָל־מִשְׁלַח יָדְךָ אֲשֶׁר תַּעֲשֶׂה; עַד הִשָּׁמֶדְךָ וְעַד־אֲבָדְךָ מַהֵר, מִפְּנֵי רֹעַ מַעֲלָלֶיךָ אֲשֶׁר עֲזַבְתָּנִי׃ 21 יַדְבֵּק יהוה בְּךָ אֶת־הַדָּבֶר; עַד כַּלֹּתוֹ אֹתְךָ, מֵעַל הָאֲדָמָה, אֲשֶׁר־אַתָּה בָא־שָׁמָּה לְרִשְׁתָּהּ׃ 22 יַכְּכָה יהוה בַּשַּׁחֶפֶת וּבַקַּדַּחַת וּבַדַּלֶּקֶת, וּבַחַרְחֻר וּבַחֶרֶב, וּבַשִּׁדָּפוֹן וּבַיֵּרָקוֹן; וּרְדָפוּךָ עַד אָבְדֶךָ׃ 23 וְהָיוּ שָׁמֶיךָ אֲשֶׁר עַל־רֹאשְׁךָ נְחֹשֶׁת; וְהָאָרֶץ אֲשֶׁר־תַּחְתֶּיךָ בַּרְזֶל׃ 24 יִתֵּן יהוה אֶת־מְטַר אַרְצְךָ אָבָק וְעָפָר; מִן־הַשָּׁמַיִם יֵרֵד עָלֶיךָ, עַד הִשָּׁמְדָךְ׃ 25 יִתֶּנְךָ יהוה נִגָּף לִפְנֵי אֹיְבֶיךָ, בְּדֶרֶךְ אֶחָד תֵּצֵא אֵלָיו, וּבְשִׁבְעָה דְרָכִים תָּנוּס לְפָנָיו; וְהָיִיתָ לְזַעֲוָה, לְכֹל מַמְלְכוֹת הָאָרֶץ׃ 26 וְהָיְתָה נִבְלָתְךָ לְמַאֲכָל, לְכָל־עוֹף הַשָּׁמַיִם וּלְבֶהֱמַת הָאָרֶץ; וְאֵין מַחֲרִיד׃ 27 יַכְּכָה יהוה בִּשְׁחִין מִצְרַיִם ובעפלים (וּבַטְּחֹרִים), וּבַגָּרָב וּבֶחָרֶס; אֲשֶׁר לֹא־תוּכַל לְהֵרָפֵא׃ 28 יַכְּכָה יהוה, בְּשִׁגָּעוֹן וּבְעִוָּרוֹן; וּבְתִמְהוֹן לֵבָב׃ 29 וְהָיִיתָ מְמַשֵּׁשׁ בַּצָּהֳרַיִם, כַּאֲשֶׁר יְמַשֵּׁשׁ הָעִוֵּר בָּאֲפֵלָה, וְלֹא תַצְלִיחַ אֶת־דְּרָכֶיךָ; וְהָיִיתָ אַךְ עָשׁוּק וְגָזוּל כָּל־הַיָּמִים וְאֵין מוֹשִׁיעַ׃ 30 אִשָּׁה תְאָרֵשׂ, וְאִישׁ אַחֵר ישגלנה (יִשְׁכָּבֶנָּה), בַּיִת תִּבְנֶה וְלֹא־תֵשֵׁב בּוֹ; כֶּרֶם תִּטַּע וְלֹא תְחַלְּלֶנּוּ׃ 31 שׁוֹרְךָ טָבוּחַ לְעֵינֶיךָ, וְלֹא תֹאכַל מִמֶּנּוּ, חֲמֹרְךָ גָּזוּל מִלְּפָנֶיךָ, וְלֹא יָשׁוּב לָךְ; צֹאנְךָ נְתֻנוֹת לְאֹיְבֶיךָ, וְאֵין לְךָ מוֹשִׁיעַ׃ 32 בָּנֶיךָ וּבְנֹתֶיךָ נְתֻנִים לְעַם אַחֵר וְעֵינֶיךָ רֹאוֹת, וְכָלוֹת אֲלֵיהֶם כָּל־הַיּוֹם; וְאֵין לְאֵל יָדֶךָ׃ 33 פְּרִי אַדְמָתְךָ וְכָל־יְגִיעֲךָ, יֹאכַל עַם אֲשֶׁר לֹא־יָדָעְתָּ; וְהָיִיתָ, רַק עָשׁוּק וְרָצוּץ כָּל־הַיָּמִים׃ 34 וְהָיִיתָ מְשֻׁגָּע; מִמַּרְאֵה עֵינֶיךָ אֲשֶׁר תִּרְאֶה׃ 35 יַכְּכָה יהוה בִּשְׁחִין רָע, עַל־הַבִּרְכַּיִם וְעַל־הַשֹּׁקַיִם, אֲשֶׁר לֹא־תוּכַל לְהֵרָפֵא; מִכַּף רַגְלְךָ וְעַד קָדְקֳדֶךָ׃



36 יוֹלֵךְ יהוה אֹתְךָ, וְאֶת־מַלְכְּךָ אֲשֶׁר תָּקִים עָלֶיךָ, אֶל־גּוֹי אֲשֶׁר לֹא־יָדַעְתָּ אַתָּה וַאֲבֹתֶיךָ; וְעָבַדְתָּ שָּׁם אֱלֹהִים אֲחֵרִים עֵץ וָאָבֶן׃ 37 וְהָיִיתָ לְשַׁמָּה, לְמָשָׁל וְלִשְׁנִינָה; בְּכֹל הָעַמִּים, אֲשֶׁר־יְנַהֶגְךָ יהוה שָׁמָּה׃ 38 זֶרַע רַב תּוֹצִיא הַשָּׂדֶה; וּמְעַט תֶּאֱסֹף, כִּי יַחְסְלֶנּוּ הָאַרְבֶּה׃ 39 כְּרָמִים תִּטַּע וְעָבָדְתָּ; וְיַיִן לֹא־תִשְׁתֶּה וְלֹא תֶאֱגֹר, כִּי תֹאכְלֶנּוּ הַתֹּלָעַת׃ 40 זֵיתִים יִהְיוּ לְךָ בְּכָל־גְּבוּלֶךָ; וְשֶׁמֶן לֹא תָסוּךְ, כִּי יִשַּׁל זֵיתֶךָ׃ 41 בָּנִים וּבָנוֹת תּוֹלִיד; וְלֹא־יִהְיוּ לָךְ, כִּי יֵלְכוּ בַּשֶּׁבִי׃ 42 כָּל־עֵצְךָ וּפְרִי אַדְמָתֶךָ; יְיָרֵשׁ הַצְּלָצַל׃ 43 הַגֵּר אֲשֶׁר בְּקִרְבְּךָ, יַעֲלֶה עָלֶיךָ מַעְלָה מָּעְלָה; וְאַתָּה תֵרֵד מַטָּה מָּטָּה׃ 44 הוּא יַלְוְךָ, וְאַתָּה לֹא תַלְוֶנּוּ; הוּא יִהְיֶה לְרֹאשׁ, וְאַתָּה תִּהְיֶה לְזָנָב׃ 45 וּבָאוּ עָלֶיךָ כָּל־הַקְּלָלוֹת הָאֵלֶּה, וּרְדָפוּךָ וְהִשִּׂיגוּךָ, עַד הִשָּׁמְדָךְ; כִּי־לֹא שָׁמַעְתָּ, בְּקוֹל יהוה אֱלֹהֶיךָ, לִשְׁמֹר מִצְוֹתָיו וְחֻקֹּתָיו אֲשֶׁר צִוָּךְ׃ 46 וְהָיוּ בְךָ, לְאוֹת וּלְמוֹפֵת; וּבְזַרְעֲךָ עַד־עוֹלָם׃

47 תַּחַת, אֲשֶׁר לֹא־עָבַדְתָּ אֶת־יהוה אֱלֹהֶיךָ, בְּשִׂמְחָה וּבְטוּב לֵבָב; מֵרֹב כֹּל׃ 48 וְעָבַדְתָּ אֶת־אֹיְבֶיךָ, אֲשֶׁר יְשַׁלְּחֶנּוּ יהוה בָּךְ, בְּרָעָב וּבְצָמָא וּבְעֵירֹם וּבְחֹסֶר כֹּל; וְנָתַן עֹל בַּרְזֶל עַל־צַוָּארֶךָ, עַד הִשְׁמִידוֹ אֹתָךְ׃ 49 יִשָּׂא יהוה עָלֶיךָ גּוֹי מֵרָחוֹק מִקְצֵה הָאָרֶץ, כַּאֲשֶׁר יִדְאֶה הַנָּשֶׁר; גּוֹי אֲשֶׁר לֹא־תִשְׁמַע לְשֹׁנוֹ׃ 50 גּוֹי עַז פָּנִים; אֲשֶׁר לֹא־יִשָּׂא פָנִים לְזָקֵן, וְנַעַר לֹא יָחֹן׃ 51 וְאָכַל פְּרִי בְהֶמְתְּךָ וּפְרִי־אַדְמָתְךָ עַד הִשָּׁמְדָךְ, אֲשֶׁר לֹא־יַשְׁאִיר לְךָ, דָּגָן תִּירוֹשׁ וְיִצְהָר, שְׁגַר אֲלָפֶיךָ וְעַשְׁתְּרֹת צֹאנֶךָ; עַד הַאֲבִידוֹ אֹתָךְ׃ 52 וְהֵצַר לְךָ בְּכָל־שְׁעָרֶיךָ, עַד רֶדֶת חֹמֹתֶיךָ הַגְּבֹהוֹת וְהַבְּצֻרוֹת, אֲשֶׁר אַתָּה בֹּטֵחַ בָּהֵן בְּכָל־אַרְצֶךָ; וְהֵצַר לְךָ בְּכָל־שְׁעָרֶיךָ, בְּכָל־אַרְצְךָ, אֲשֶׁר נָתַן יהוה אֱלֹהֶיךָ לָךְ׃ 53 וְאָכַלְתָּ פְרִי־בִטְנְךָ, בְּשַׂר בָּנֶיךָ וּבְנֹתֶיךָ, אֲשֶׁר נָתַן־לְךָ יהוה אֱלֹהֶיךָ; בְּמָצוֹר וּבְמָצוֹק, אֲשֶׁר־יָצִיק לְךָ אֹיְבֶךָ׃ 54 הָאִישׁ הָרַךְ בְּךָ, וְהֶעָנֹג מְאֹד; תֵּרַע עֵינוֹ בְאָחִיו וּבְאֵשֶׁת חֵיקוֹ, וּבְיֶתֶר בָּנָיו אֲשֶׁר יוֹתִיר׃ 55 מִתֵּת לְאַחַד מֵהֶם, מִבְּשַׂר בָּנָיו אֲשֶׁר יֹאכֵל, מִבְּלִי הִשְׁאִיר־לוֹ כֹּל; בְּמָצוֹר וּבְמָצוֹק, אֲשֶׁר יָצִיק לְךָ אֹיִבְךָ בְּכָל־שְׁעָרֶיךָ׃ 56 הָרַכָּה בְךָ וְהָעֲנֻגָּה, אֲשֶׁר לֹא־נִסְּתָה כַף־רַגְלָהּ הַצֵּג עַל־הָאָרֶץ, מֵהִתְעַנֵּג וּמֵרֹךְ; תֵּרַע עֵינָהּ בְּאִישׁ חֵיקָהּ, וּבִבְנָהּ וּבְבִתָּהּ׃ 57 וּבְשִׁלְיָתָהּ הַיּוֹצֵת מִבֵּין רַגְלֶיהָ, וּבְבָנֶיהָ אֲשֶׁר תֵּלֵד, כִּי־תֹאכְלֵם בְּחֹסֶר־כֹּל בַּסָּתֶר; בְּמָצוֹר וּבְמָצוֹק, אֲשֶׁר יָצִיק לְךָ אֹיִבְךָ בִּשְׁעָרֶיךָ׃

58 אִם־לֹא תִשְׁמֹר לַעֲשׂוֹת, אֶת־כָּל־דִּבְרֵי הַתּוֹרָה הַזֹּאת, הַכְּתוּבִים בַּסֵּפֶר הַזֶּה; לְיִרְאָה אֶת־הַשֵּׁם הַנִּכְבָּד וְהַנּוֹרָא הַזֶּה, אֵת יהוה אֱלֹהֶיךָ׃ 59 וְהִפְלָא יהוה אֶת־מַכֹּתְךָ, וְאֵת מַכּוֹת זַרְעֶךָ; מַכּוֹת גְּדֹלוֹת וְנֶאֱמָנוֹת, וָחֳלָיִם רָעִים וְנֶאֱמָנִים׃ 60 וְהֵשִׁיב בְּךָ, אֵת כָּל־מַדְוֵה מִצְרַיִם, אֲשֶׁר יָגֹרְתָּ מִפְּנֵיהֶם; וְדָבְקוּ בָּךְ׃ 61 גַּם כָּל־חֳלִי וְכָל־מַכָּה, אֲשֶׁר לֹא כָתוּב, בְּסֵפֶר הַתּוֹרָה הַזֹּאת; יַעְלֵם יהוה עָלֶיךָ, עַד הִשָּׁמְדָךְ׃ 62 וְנִשְׁאַרְתֶּם בִּמְתֵי מְעָט, תַּחַת אֲשֶׁר הֱיִיתֶם, כְּכוֹכְבֵי הַשָּׁמַיִם לָרֹב; כִּי־לֹא שָׁמַעְתָּ, בְּקוֹל יהוה אֱלֹהֶיךָ׃ 63 וְהָיָה כַּאֲשֶׁר־שָׂשׂ יהוה עֲלֵיכֶם, לְהֵיטִיב אֶתְכֶם וּלְהַרְבּוֹת אֶתְכֶם, כֵּן יָשִׂישׂ יהוה עֲלֵיכֶם, לְהַאֲבִיד אֶתְכֶם וּלְהַשְׁמִיד אֶתְכֶם; וְנִסַּחְתֶּם מֵעַל הָאֲדָמָה, אֲשֶׁר־אַתָּה בָא־שָׁמָּה לְרִשְׁתָּהּ׃ 64 וֶהֱפִיצְךָ יהוה בְּכָל־הָעַמִּים, מִקְצֵה הָאָרֶץ וְעַד־קְצֵה הָאָרֶץ; וְעָבַדְתָּ שָּׁם אֱלֹהִים אֲחֵרִים, אֲשֶׁר לֹא־יָדַעְתָּ אַתָּה וַאֲבֹתֶיךָ עֵץ וָאָבֶן׃ 65 וּבַגּוֹיִם הָהֵם לֹא תַרְגִּיעַ, וְלֹא־יִהְיֶה מָנוֹחַ לְכַף־רַגְלֶךָ; וְנָתַן יהוה לְךָ שָׁם לֵב רַגָּז, וְכִלְיוֹן עֵינַיִם וְדַאֲבוֹן נָפֶשׁ׃ 66 וְהָיוּ חַיֶּיךָ, תְּלֻאִים לְךָ מִנֶּגֶד; וּפָחַדְתָּ לַיְלָה וְיוֹמָם, וְלֹא תַאֲמִין בְּחַיֶּיךָ׃ 67 בַּבֹּקֶר תֹּאמַר מִי־יִתֵּן עֶרֶב, וּבָעֶרֶב תֹּאמַר מִי־יִתֵּן בֹּקֶר; מִפַּחַד לְבָבְךָ אֲשֶׁר תִּפְחָד, וּמִמַּרְאֵה עֵינֶיךָ אֲשֶׁר תִּרְאֶה׃ 68 וֶהֱשִׁיבְךָ יהוה מִצְרַיִם בָּאֳנִיּוֹת, בַּדֶּרֶךְ אֲשֶׁר אָמַרְתִּי לְךָ, לֹא־תֹסִיף עוֹד לִרְאֹתָהּ; וְהִתְמַכַּרְתֶּם שָׁם לְאֹיְבֶיךָ לַעֲבָדִים וְלִשְׁפָחוֹת וְאֵין קֹנֶה׃ {ס}
69 אֵלֶּה דִבְרֵי הַבְּרִית אֲשֶׁר־צִוָּה יהוה אֶת־מֹשֶׁה, לִכְרֹת אֶת־בְּנֵי יִשְׂרָאֵל בְּאֶרֶץ מוֹאָב; מִלְּבַד הַבְּרִית, אֲשֶׁר־כָּרַת אִתָּם בְּחֹרֵב׃ {פ}

אם תשמע בקול ה'
1 "אם תשמע בקול ה' אלוהיך ותקפיד לקיים את כל מה שאני מצווה עליך היום, ה' יגרום לך להיות עַם נעלֶה על כל עמי הארץ. 2 כל הברכות האלה יבואו עליך אם תשמע בקול ה' אלוהיך: 3 ברכה תבוא עליך בעיר וברכה תבוא עליך בשדה. 4 ברכה תבוא על ילדיך וברכה תבוא על יבולי אדמתך ועל הוְולָדוֹת של בהמותיך – על עגלי הבקר שלך ועל השֵׂיוֹת שבצאנך. 5 ברכה תבוא על מלאי המזון שלך ועל קערות הבצק שלך. 6 ברכה תבוא עליך כשתיכנס וברכה תבוא עליך כשתצא. 7 ה' יתן בידך את אויביך היוצאים להילחם בך. בדרך אחת יֵצאו נגדך אבל יברחו מפניך בשבע דרכים. 8 ה' יברך את כל מחסני התבואה שלך ואת כל מעשיך, הוא יברך אותך בארץ שהוא נותן לך. 9 הוא יהפוך אותך לעם המוקדש לו, כפי שנשבע לך, אם תקיים את מצוות ה' אלוהיך ותלך בדרכיו. 10 כל העמים יראו שאתה עמו של ה' ויפחדו מפניך. 11 ה' ייטיב אתך בכך שיתן לך שפע של ילדים, ולָדות של בהמות ויבול בארץ שנשבע לאבותיך לתת לך. 12 הוא יפתח בפניך את אוצרו הטוב, את השמים שיתנו בזמן גשמים על הארץ כדי לברך את כל גידוליך. אתה תַלווה לעמים רבים אך לא תִלווה מהם. 13 ה' יגרום לך להיות ראש ולא זנב, להיות תמיד חזק ולא חלש, אם תשמע למצוות ה' אלוהיך שאני מצווה עליך היום לשמור ולקיים. 14 אל תסטה ימינה או שמאלה מכל הדברים שאני מצווה עליכם היום, ואל תעבוד אלוהים אחרים.
אם לא תשמע בקול ה'
15 "אבל אם לא תשמע בקול ה' אלוהיך ולא תקפיד לקיים את כל מצוותיו וחוקיו שאני מוסר לך היום, כל הקללות האלה יבואו עליך: 16 קללה תבוא עליך בעיר, וקללה תבוא עליך בשדה. 17 קללה תבוא על מלאי המזון שלך ועל קערות הבצק שלך. 18 קללה תבוא על ילדיך, על יבול אדמתך, על עגלי הבקר שלך ועל השֵׂיוֹת שבצאנך. 19 קללה תבוא עליך כשתיכנס, וקללה תבוא עליך כשתצא. 20 ה' יביא עליך קללה, בהלה ומחסור בכל דבר שתעשה, עד שתושמד ותֹאבד פתאום בגלל מעשיך הרעים מפני שעזבת אותו. 21 ה' יגרום לך להידבק במחלות קשות ומידַבקות, עד שתיעלם מעל פני האדמה בארץ שאתה בא אליה כדי לכבוש אותה ולהתיישב בה. 22 ה' יביא עליך שחפת, קדחת ודלקת [לא ברור באילו מחלות מדובר] יובש, בצורת, ומחלות שיפגעו בגידוליך. המחלות האלה ירדפו אותך עד שתֹאבד. 23 השמים שמעל ראשך לא יתנו גשם והאדמה שמתחתיך תהיה יבשה וקשה. 24 ה' יהפוך את הגשם בארצך למטר של אבק ועפר שיֵרד עליך משמים, עד שתושמד. 25 ה' יגרום לאויביך לנצח אותך. בדרך אחת תצא להילחם בהם ובשבע דרכים תברח מפניהם, וכל ממלכות הארץ יזדעזעו ממה שיקרה לך. 26 גופתך תהיה מאכל לעופות ולבעלי החיים ולא יהיה מי שיגרש אותם. 27 ה' יביא עליך את השחין [שחין – מחלת עור] שהביא על מצריים. הוא יביא עליך פצעים ומחלות עור שלא תוכל להירפא מהם. 28 הוא יביא עליך שיגעון, עיוורון ובלבול. 29 בצהריים תגשש סביבך כמו עיוור באפלה, ולא תצליח במעשיך. כל הזמן ינצלו אותך ויגנבו ממך, ולא יהיה מי שיציל אותך. 30 תתארס לאישה ואיש אחר ישכב אתה, תבנה בית ולא תגור בו, תיטע כרם ולא תקטוף את פֵרותיו. 31 שוֹרךָ ישָחט לעיניך אך לא תאכל ממנו, חמורך יגנב ממך ולא יוחזר לך, צאנך ימָסרו לאויביך ולא יהיה מי שיעזור לך. 32 בניך ובנותיך ימָסרו לעם אחר ואתה תִראה זאת. תצַפֶּה להם כל הזמן ולא תוכל לעשות דבר. 33 את יבול אדמתך ואת כל פרי עבודתך יאכל עַם שלא הִכַּרתָ, וכל הימים תהיה רק מנוצל ושבור. 34 אתה תשתגע מכל מה שיראו עיניך. 35 ה' יביא עליך שחין קשה שיפגע בברכיים ובשוקיים שלך, הוא יתפשט על גופך מכף רגל ועד ראש ולא תוכל להירפא ממנו.
36 "ה' יַגלה אותך ואת המלך שתמליך עליך אל ארץ שאתה ואבותיך לא הִכַּרתם, שם תעבוד אלוהים אחרים מעץ ואבן. 37 אתה תעורר השתוממות בכל העמים שה' יוביל אותך אליהם ותהיה בעיניהם דוגמה ללעג. 38 תזרע זרעים רבים בשדה אבל תאסוף ממנו רק מעט יבול כי הארבה יאכל את גידוליך. 39 תיטע כרמים ותעבד אותם אבל לא תשתה מהיין שלהם ולא תאסוף את הפרי שלהם, כי התולעים יאכלו אותו. 40 בכל ארצך יהיו עצי זית רבים אבל לא יהיה לך שמן כי הזיתים ינשרו מהעצים. 41 הבנים והבנות שיוולדו לך לא יהיו אתך כי הם ילקחו בשבי. 42 את כל עציך ואת כל יבול אדמתך ישמיד הארבה. 43 התושב הזר שחי ביניכם ילך ויתחזק, ואתה תלך ותיחלש. 44 הוא יַלווה לך ואתה לא תַלווה לו, הוא יהיה לראש ואתה תהיה לזנב. 45 כל הקללות האלה יבואו עליך, ירדפו אותך וישיגו אותך עד שתושמד, כי לא שמעת בקול ה' אלוהיך ולא קִיימת את החוקים והמצוות שנתן לך. 46 הקללות יהיו אות וסמל לך ולצאצאיך עד עולם.
47 "לא עבדת את ה' אלוהיך בשמחה ובלב טוב כאשר נהנית משפע בכול, 48 לכן תהיה עבד לאויב שישלח ה' נגדך ותהיה רעֵב, צמא, עירום וחסר כול. האויב יכביד עליך מאוד עד שישמיד אותך. 49 ה' ישלח נגדך עָם ממרחקים, מקצה העולם. עם שלא תבין את שפתו יתנפל עליך כמו נשר. 50 עם אכזר שלא יתחשב בזקנים ולא ירחם על הצעירים. 51 הוא יאכל את וַלדות הבהמות שלך ואת יבול אדמתך, עד שתושמד. הוא לא ישאיר לך דגן, יין או שמן, עגלים בבקר שלך או שֵׂיוֹת בצאן שלך, עד שתֹאבד. 52 הוא ישים מצור על כל הישובים בארצך, עד שיפלו כל חומותיהם הגבוהות והחזקות שאתה בוטח בהן. הוא ישים מצור על כל הישובים שבכל הארץ שה' אלוהיך נתן לך. 53 בגלל המצב הקשה שיגרום לך האויב בזמן המצור, תאכל את בשר ילדיך, את בשר הבנים והבנות שנתן לך ה' אלוהיך. 54 אפילו האיש הרגיש והעדין ביותר יביט ברוע לב באחיו, באשתו האהובה ובבניו שנותרו בחיים 55 ולא ירצה לתת לאיש מהם מבשר בניו, אלא ישאיר לעצמו את הכול בגלל המצב הקשה שיגרום אויבך לכל הישובים בזמן המצור. 56 גם האישה העדינה והרגישה ביותר שמעולם לא הלכה יחֵפה מרוב פינוק, תביט ברוע לב בבעלה האהוב, בבנה ובבִתה, 57 בשִׁליָה שיוצאת ממנה בזמן הלידה ובבנים שתלד. היא תֹאכל אותם בסתר בגלל המחסור שתסבול ובגלל המצב הקשה שיגרום האויב לישובים שלך בזמן המצור.
58 "אם לא תקפיד לקיים את כל דברי התורה הזאת הכתובים במגילה הזאת, אם לא תכבד את השם המכובד והנורא של ה', את ה' אלוהיך, 59 יביא ה' עליך ועל צאצאיך אסונות גדולים ומחלות קשות שאין להן מרפא. 60 הוא יביא עליך את המחלות שהביא על מצריים ושפחדת מהן, והן ידבקו בך. 61 ה' יביא עליך גם את כל המחלות וכל האסונות שאינם כתובים בתורה הזאת, עד שתושמד. 62 רק מעטים ישארו מכם אף על פי שהייתם רבים ככוכבי השמים, כי לא שמעת בקול ה' אלוהיך. 63 כפי ששמח ה' להיטיב אִתכם ולהרבות אֶתכם, כך גם ישמח להשמיד אתכם, ואתם תיעקרו מעל האדמה שאתם עומדים לבוא אליה כדי לכבוש אותה ולהתיישב בה. 64 ה' יפזר אתכם בכל העמים, מקצה העולם ועד קצה העולם, שם תעבדו אלוהים אחרים מעץ ואבן שאתה ואבותיך לא הִכַּרתם. 65 בין העמים האלה לא תנוח – אפילו לכף רגלך לא תמצא מנוחה – וה' יגרום לחרדה בלבך, לתקוות שווא ולכאב וצער. 66 חייך יהיו תלויים על חוט השערה. אתה תפחד יום ולילה ולא יהיה לך ביטחון בחייך. 67 מרוב פחד בגלל מה שתראה, תאמר בבוקר: 'הלוואי שיבוא הערב!' ובערב: 'הלוואי שיבוא הבוקר!'. 68 ה' יחזיר אותך למצריים באניות, בדרך שאמרתי שלא תראה אותה שוב. שם תימָכרו כעבדים וכשְׁפָחוֹת, אך לא יהיו קונים".
69 אלה דברי הברית שציווה ה' על משה לכרות עם בני ישראל במואב, מלבד הברית שכרת אתם בחורב.